Wednesday, April 20, 2016

Ovarian Cyst မျိုးဥအိမ်အကျိတ်

Tint Swe

• ဆရာရှင့် စအိုဝမှာအဖုပေါက်ပြီး သွေးယိုနေလို့ လိပ်ခေါင်းဖြစ်တာလားဆရာ။ ဖြတ်ရမှာလား၊ မဖြတ်ပဲနဲ့ ဆေးစားလို့ မရဘူးလားဆရာ။ လိပ်ခေါင်းနဲ့ပတ်သက်လို့ ဆေးပညာဗဟုသုတရှာဖတ်တာ ရှာမတွေ့ဘူးဆရာ။
• 8/17, 8:55am
• Piles Q and A လိပ်ခေါင်းရောဂါ အမေးအဖြေများ
• Today 10:52am
• ဆရာ သားဥအိမ်မှာအလုံးတွေ့တာခွဲထုပ်ရမှာလားရှင့်


• 10:56am
• အရင်မေးတာက လိပ်ခေါင်း။ အခုမေးသူနဲ့ အတူလား မသိပ။ အသက် မသိ။ အမျိုးသမီးဆိုရင် အမျိုးသမီးနဲ့ဆိုတာတွေ မသိပါ။ (ထုတ်) လို့သာရေးရတယ်။
• 12:00pm
• မတူဘူးဆရာ။ အခုက့့၊ အသက်က ၃၆၊ အိမ်ထောင်ရှိ။
အမျိုးသမီးတိုင်းမှာ မျိုးဥအိမ်ဘယ်နဲ့ညာ တခုစီရှိတယ်။ သားအိတ်ဘေးက ချိုလိုထွက်နေတဲ့ သားအိတ်ပြွန် နှစ်ဘက်ရဲ့ အဖျားဘက် အောင်နားမှာ တွဲလောင်းလေး ရှိနေတယ်။ အရွယ်ရောက် အမျိုးသမီး တဦးရဲ့ မျိုးဥအိတ်က ၃ x ၁့၅ x ၁့၅ စင်တီမီတာ အရွယ်ရှိတာပါ။ ဒီဟာလေးကနေ ကိုယ်ဝန်ရင့်မာအရွယ်လောက်ထိ ကြီးလာနိုင်တယ်။
အရွယ်ရောက် အမျိုးသမီးတိုင်း မျိုးဥအိတ်မှာ အလုံးဆိုတာတွေ ဖြစ်ကြပါတယ်။ ကုစရာမလိုဘဲ ပျောက်သွားတာက များပါတယ်။ ကုစရာလိုတဲ့ မျိုးဥအိမ်အကျိတ်ဆိုတာကလည်း အဖြစ်များတဲ့ ရောဂါတခုပါ။ အရွယ်မရွေး ပြောရမလားဘဲ။ အပျိုလေးတွေရော အဖွါးကြီးတွေကိုပါ ခွဲပေးရဘူးတယ်။ ကျူးမားခေါ်တဲ့ အလုံး-အကျိတ်တွေဟာ ကင်ဆာ မဟုတ်တာရော ဟုတ်တာပါရှိတယ်။ ဘာလို့ဖြစ်သလည်း အတိအကျပြောမရတဲ့ အမျိုးအစားပါ။ ကံတရားကိုသာ လွှဲချကြရအောင်။
အလုံးဖြစ်လာတာကို အတော်များများ သတိမထားမိတတ်ပါ။ ရာသီလာတာလည်း ပုံမှန်။ နာတာကလည်း မသိမသာ။ ကိုယ်ဝန်ဆောင်သလို ဗိုက်ကလေး ပူလို့ စူလာမှ သိရတာများတယ်။ အလုံးက ဗိုက်ထဲမှာ (အမှန်က ဗိုက်အောက် တင်ပါးဆုံရိုးကွင်းထဲမှာပါ) သူနဲ့ တွယ်နေတဲ့ သားအိတ်ပြွန်က နောက်တို့ဘေးတို့မှာ ကပ်နေတာမဟုတ်လို့ ခပ်လွယ်လွယ် ရွေ့ရှားလှုတ်ရှားနိုင်တယ်။ လှုတ်ရင်း၊ ရွေ့ရင်းနဲ့ အညှာနဲ့တူတဲ့နေရာက လိမ်ပြီး၊ သူ့ဟာသူ ချည်သလို ဖြစ်တတ်သေးတယ်။ အဲလိုဖြစ်ရင် နာတာခံစားရတော့မယ်။ မခွဲရင် သွေးထွက်၊ ပေါက်ထွက်ဖြစ်နိုင်တယ်။
ကုသနည်းတွေရှိတာမှာ အသက်၊ အကျိတ်အမျိုးအစား၊ အရွယ်အစားနဲ့ ခံစားနေရတာတွေအပေါ်မူတည်ပြီး ရွေးချယ်ရတယ်။
(က) တချို့သေးတာလေးတွေက အလိုလိုလည်းပျောက်နိုင်လို့ စောင့်ကြည့်နိုင်တယ်။
(ခ) ကိုယ်ဝန်တားဆေးပေးနည်း။
(ဂ) ခွဲစိတ်ကုသနည်းကို နောက်ဆုံးမှာ ရွေးရတာများတယ်။ ခွဲစိတ်နည်းမှာ Laparoscopy ဗိုက်ထဲကြည့်ကိရိယာနဲ့ ကြည့်ရင်း သေးတာကိုသာ ခွဲထုတ်လို့ရမယ်။ ကင်ဆာလားသိချင်လို့ အဲဒီနည်းနဲ့ခွဲထုတ်ပြီး စစ်ဆေးရတယ်။ အများအားဖြင့်တော့ Laparotomy ဗိုက်ကိုခွဲပြီးမှသာ ထုတ်တယ်။ ခွဲတာမှာလည်း Ovarian cystectomy အကျိတ်ကိုသာ သပ်သပ်ထုတ်နည်းလုပ်လို့ရရင် အကောင်းဆုံးဖြစ်တယ်။ အားလုံးကရတာတော့မဟုတ်ပါ။ Oophorectomy မျိုးဥအိမ် တခုလုံး ထုတ်နည်းလည်းလုပ်ရတာရှိတယ်။ တကယ်လို့ ကင်ဆာဖြစ်နေရင် မျိုးဥအိမ် နှစ်ခုလုံး + သားအိမ်ပြွန် + သားအိမ် အားလုံးထုတ်ရမယ်။ ဆက်ပြီးလည်းကုသရမယ်။
မျိုးဥအိတ်တဖက်နဲ့ ပြွန်တဖက်မရှိရင် သားသမီးရဘို့ တဝက်တော့ အခွင့်အလမ်း နည်းသွားစေတယ်။ မျိုးဥအိတ်နဲ့ ပြွန်၊ နှစ်စုံလုံးရှိနေပါမှ အမျိုးသမီးပီသစေနိုင်လို့ပါ။ မ-ဟော်မုန်းတွေ ပုံမှန်ထွက်၊ လင်ယူ-သားမွေး၊ ကလေးယူဘို့ရာ စိတ်ချရမယ်။
တခါဖြစ်ဘူးရင် နောက်ထပ် မဖြစ်နိုင်တော့ဘူးလို့ မပြောနိုင်ပါ။ ရာသီမမှန်ရင်။ သိပ်ငယ်ငယ်ကတည်းက ၁၁-၁၂ နှစ် သမီးကစ ရာသီကလာရင်၊ ကလေးမရတဲ့သူ၊ လည်ပင်းကြီးဟော်မုန်းနည်းသူ၊ ကိုယ်အပေါ်ပိုင်း အဆီများသူတွေမှာ ဖြစ်တတ်လေ့ရှိတယ်။
အဲလိုခွဲထားခံရသူအတွက် စိတ်မပျက်ပါနဲ့။ ကင်ဆာကို မပြောင်းစေတတ်ပါ။ ကလေးရဘို့ ၅ဝ% ဆိုတာ နည်းတဲ့ အခွင့်အလမ်း မဟုတ်ပါ။ သေခြာပါတယ်ဆိုတဲ့ တားဆေးတွေက ၉၉% စိတ်ချပါဆိုတဲ့ အထဲကနေ ကိုယ်ဝန်ဆောင်သူ ရှိတယ်။ အစားရှောင်စရာမလိုပါ။ ကျန်းမာအောင်သာ မျှတတဲ့အစာစားပါ။ ဆေးလည်း ပုံမှန်အားဆေးသာ လိုပါတယ်။
အိတ်ထဲမှာရှိနေတာက အမျိုးမျိုး။ အများအားဖြင့် ခပ်ဝါဝါအရည်။ ချွေးထွက်အိတ်ထဲက အရည်မျိုးပါရင် ခပ်ပြစ်ပြစ် ဖြစ်မယ်။၊ အဆီတွေပါနိုင်တယ်။ တချို့ကြ ထူးဆန်းတာတွေပါနေတတ်တယ်။ ဆံပင်လို အမွှေး၊ အရိုးလို၊ သွားလို၊ အရိုးနုလို စတာတွေ။ တောမှာ အပင်းထည့်တယ်လို့ ပြောတတ်ကြတာမျိုးပေါ့။ Dermoid cyst ဒါးမွိုက်-ဆစ် ခေါ်တယ်။ အမှန်က လူ့ကိုယ်ခန္ဓာမှာရှိနေတဲ့ (တစ်ရှူး) အမျိုးအားလုံးက ပါနေနိုင်တယ်။ မျိုးဥအိတ်သာ မဟုတ်ပါ အရေပြားမှာလည်း ဒါမျိုးဖြစ်တတ်တယ်။ အဲလိုပုံသာတင်ရင် ဖေ့စ်ဘွတ်မှာ လိုက်ခ်တွေများမှာသေချာတယ်။
- Chocolate cyst ချောကလက် ဆစ် http://doctortintswe.blogspot.com/2014/…/chocolate-cyst.html
- Endometriosis (1) သားအိမ်ရောဂါ (၁) http://doctortintswe.blogspot.com/20…/…/endometriosis-1.html
- Endometriosis (2) သားအိမ်ရောဂါ (၂) http://doctortintswe.blogspot.com/20…/…/endometriosis-2.html
- Endometriosis (3) သားအိမ်ရောဂါ (၃) http://doctortintswe.blogspot.com/20…/…/endometriosis-3.html
- Ovarian Cyst ကိုယ်ဝန်မဟုတ်တဲ့ ဗိုက်ထဲကအလုံး http://doctortintswe.blogspot.com/2015/02/ovarian-cyst.html
- PCOS and Ovarian cyst http://doctortintswe.blogspot.com/…/pcos-and-ovarian-cyst.h…
- Polycystic Ovarian Syndrome (PCOS) ရာသီမမှန်ရင် ဖတ်ပါ http://doctortintswe.blogspot.com/…/polycystic-ovarian-synd…
ဒေါက်တာတင့်ဆွေ

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အက်ဒမင်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...