Monday, May 23, 2016

"အဖေကြီးပြောတဲ့ တကယ့်ပုံပြင်" (လယ်တွင်းသားစောချစ်)

စာဖတ်ကြရအောင်

ကျွန်တော်ငယ်စဉ်က အဖေကြီးပြောလေ့ရှိတဲ့ ပုံပြင်လေးတစ်ပုဒ်ရှိပါတယ်။ သို့သော် ပုံပြင်မဟုတ်။ အဖေကြီးက ကျောင်းဆရာဖြစ်၍ သူ့ကျောင်းသား
ကုလားလေးတစ်ယောက်ရဲ့ တကယ့်အဖြစ်အပြတ်တစ်ခု။

ထိုကုလားလေးရဲ့အဖေက ကုန်စုံဆိုင်ကြီးတစ်ခုကိုပိုင်တဲ့ ချမ်းသာတဲ့သူဖြစ်တယ်။ သို့သော် ကလေးနှစ်ယောက် ကျောင်းသွားရင် တစ်ယောက်ကို တစ်ပဲစီသာပေးသည်။ သို့သော် မုန့်ဝယ်စားရသည်မဟုတ်။ နေ့လယ်မုန့်စားဆင်းချိန်မှာစားဖို့ ပလာတာနဲ့ပဲဟင်း ထည့်ပေးလိုက်တယ်။
ညနေအိမ်ပြန်ရောက်တော့ ပိုက်ဆံတစ်ပဲ မပျောက်မရှ ပါလာကြောင်း အဖေ့ကိုပြရတယ်။
ပြီးမှသူတို့တစ်ယောက်စီအတွက် ပေးထားတဲ့စုဘူးထဲမှာ ထည့်ရတယ်။ ပိုက်ဆံတစ်ပဲကို မနက်ကျောင်းမသွားခင်ကတည်းက စုဘူးထဲထည့်ခဲ့ချင်၍မရ၊ ကျောင်းယူ
သွားရတယ်။ ညနေပြန်လာရင် ပြရတယ်။
ငွေတစ်ပဲကို တစ်နေ့တာလုံး မပျောက်မပျက်အောင် တာဝန်ယူ
ထိန်းသိမ်းတတ်အောင် လေ့ကျင့်ပေးခြင်းဖြစ်တယ်။
ပျောက်ရှခဲ့ရင် ပြင်းထန်စွာ အရိုက်ခံရတယ်။ ငွေကိုမနှမြောခြင်း၊ ငွေမပျောက်အောင် မထိန်း
သိမ်းနိုင်ခြင်းအတွက် အပြစ်ပေးခြင်းခံရတယ်။ ကလေးတွေက အဲ့ဒီ ငွေတစ်ပဲပျောက်မှာ အလွန်ကြောက်ကြတယ်။ တစ်နေ့လုံး ဂရုတစိုက် ထိန်းသိမ်းစောင့်ရှောက်တယ်။ ဒါကြောင့် ငွေကို တန်ဖိုးထားတတ်လာပြီး ထိန်သိမ်းတတ်တဲ့ အလေ့အကျင့် ရသွားတယ်။
အဲဒီလိုနဲ့ ကလေးကျောင်းနေချိန်မှစ၍ နေ့စဉ်တစ်ပဲ၊ တစ်ပဲ စုဆောင်းရတယ်။ စုဘူးတစ်ဘူးပြည့်ရင် ကလေးအမည်ထိုးပြီး ဖခင်ကသိမ်းပေးထားတယ်။ အဲ့ဒိ
ကလေး ကျောင်းထွက်ပြီး အရွယ်ရောက်လာတဲ့အခါ စုဘူးတော်တော်များများ ရနေပြီ။
အဲ့ဒီအခါကျမှ စုဘူးတွေကိုဖောက်ပြီး ရတဲ့ငွေနဲ့ ကွမ်းယာဆိုင်လေးတစ်ခု
အရင်းအနှီးပြုပေးတယ်။ ရတဲ့အမြတ်ငွေကို ဆက်စုရင်း ကွမ်းယာဆိုင်မှ ပစ္စည်းမျိုးစုံဆိုင် ဖြစ်လာတယ်။ ထိုမှတဆင့် စတိုးဆိုင်ကြီးအဖြစ်သို့ရောက်အောင် လေ့ကျင့်ပေးတယ်။ အတုယူစရာ နမူနာကောင်းဖြစ်ပါတယ်။
အဲ့ဒီလို စည်းကမ်းစနစ်ကျမူကြောင့် လမ်းဘေးကွမ်းရာဆိုင်ကလေးမှတဆင့် စိန်ဘာဘူတိုက်ကြီးများအထိ ကြီးပွားတိုးတက်အောင်မြင်လာခဲ့ကြတယ်။
ပေါပေါရ၊ ပေါ့ပေါ့နေ ပေါ့ပေါ့စားနေလျင် ပေါ့ပေါ့သာဖြစ်နေပေမည်။ လူအများစုသည် အတင့်တင့် ဝင်ငွေကောင်းရင် ဝါကြွားချင်လာတယ်။ လက်ဖွာချင်လာတယ်။ လက်ဖက်ရည်ဆိုင်ထိုင်ပြီး လာသမျှလူကို ဒကာခံရင်း မင်္ဂလာယူချင်ကြတယ်။ ကလေးမုန့်ဖိုးကိုလည်း သူများတစ်ရာပေးရင် ငါးရာ တစ်ထောင်ပေးပစ်တယ်။ ကလေး သုံးတတ် စားတတ်ပုံကို ဂုဏ်ယူတဲ့လေသံနဲ့ ကြွားဝါချင်တတ်တယ်။
ကလေးကို ငယ်ငယ်ကတည်းက ငွေပေါ့ပေ့ါရ ပေါ့ပေါ့သုံးတတ်အောင်
လေ့ကျင့်ပေးကြတယ်။ ဒါကြောင့် ကလေးတို့ မပျက်စီးသင့်ဘဲ ပျက်စီးရတယ်။ တစ်သက်တာလုံး ပေါ့ပေါ့စား ပေါ့ပေါ့နေတတ်တဲ့ အကျင့်ပါပြီး ပေါ့ပေါ့သာ ဖြစ်
ကုန်ကြရပါတယ်။
ဒါ့ကြောင့် ဒီလိုမဖြစ်အောင် မိဘများ ကလေးငယ်စဉ်ကတည်းကငွေကို ထိန်းသိမ်းပြီး တန်ဘိုးထားတတ်၊ ချွေတာစုဆောင်းတတ်တဲ့ အလေ့အကျင့်ကောင်းများ လေ့ကျင့်ပေးသင့်ပါတယ်။
မျှဝေပေးသူ
ဦးသောင်းဌေး (ရန်ကုန်တက္ကသိုလ်)
B.Sc.(Hons.),M.Sc(Chemistry)

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အက်ဒမင်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...