Thursday, July 14, 2016

“ရုံးတောပန်းပွင့်၊ဘယ်ဂုဏ်နဲ့ဝင့်သတုံး” (မင်းဒင်)


(တစ်)
စင်္ကာပူကိုရောက်နေတဲ့နတ်မောက်နယ်ရုံးတောသားကိုဖိုးစီတို့များ၊
အကြွားပိုချက်ကတော့လွန်ရောဗျာ။အေးလေ။ကိုရင်တို့မျိုးရိုးက၊
ရဟန်းပညာရှိလူပညာရှိတွေဖောဌေးဆိုတော့၊ကြွားနိုင်ပေမပေါ့။
ရုံးတောသာပီပီကြွားနေမှန်းလူမသိအောင်၊ပိပိရိရိလည်းကြွားတတ်ပါပေရဲ့။
သူ့ဖေ့စ်ဘွတ်စာမျက်နှာမှာဖတ်ကြည့်လေ။စင်္ကာပူကုန်တိုက်ကြီး တခုရဲ့ခေါင်မိုးပေါ်က၊သစ်ပင်အတု၊အိမ်အတု၊ရေပန်း၊တောက်နံရံ
တက်တဲ့ကြိုးပိုက်တွေနဲ့ကလေးတွေဆော့ကစားလို့ရအောင်ဖန်တီး
ထားတဲ့ပန်းခြံထဲမှာသူ့ကလေးကိုသူထိန်းနေရင်း၊ကမ်းမ်ဒေါင်း၊ကမ်းမ်ဒေါင်း
(ဆင်းခဲ့၊ဆင်းခဲ့)လို့မြန်မာသံနဲ့အော်ခေါ်နေသံကိုသူကြားသတဲ့။

ဒီမှာတင်သူကစပ်စပ်စုစုလုပ်လိုက်တော့၊စင်္ကာပူကလေးတွေကို
ထိန်းနေတဲ့ကလေးထိန်းတွေဟာ၊သူတို့ရုံးတောသူတွေဖြစ်နေသတဲ့။
အဲဒီရုံးတောသူတွေဘယ်နှစ်ယောက်လောက်များရှိမတုန်းဆိုပြီး
လိုက်ရေကြည့်တော့၊လေးငါးဆယ်ယောက်တောင်မကဘူးဆိုပဲ။
ဒီမှာတင်ကိုဖိုးစီတယောက်လက်ပန်းပေါင်းခတ်ပြီးမှတ်ချက်ချလိုက်ပုံက..၊
စင်္ကာပူနိုင်ငံရဲ့အနာဂတ်ဟာငါတို့ရုံးတောသူတွေရဲ့လက်ထဲကိုရောက်နေ
ကမင့်ကိုးတဲ့။
အမယ်။သူက သူ့စကားယုတ္တိတန်အောင်၊သူနဲ့သူ့မန်နေဂျာ၊အချီအချပြောကြတဲ့
ဒိုင်ယာလော့လေးတောင်ထည့် ထားလိုက်သေး။ဘာတဲ့။
အဲဒီမန်နေဂျာရဲ့လူမမယ်ကလေးတွေကို၊မြန်မာကလေးထိန်းတွေလက်ထဲမှာ
အပ်ထားရတာမို့၊စင်္ကာပူလေးတွေကတောင်၊တေလိုက်ဘာလား၊
(သေလိုက်ပါလား)ဆိုတဲ့မြန်မာအသုံးအနှုန်းနဲ့ဆဲတတ်နေပြီဆိုတာလည်း
ပါသေးဗျာ။ဒါတင်ဘယ်ကပါဦးမလဲ။အဲဒီကလေးထိန်းရုံးတောသူတွေ
ရတဲ့လစာဟာ၊သူတို့ရုံးတောကတောင်သူကြီးတစ်ယောက်ရဲ့နှစ်လုံးပေါက်
လုပ်စာနဲ့ညီမျှနေတာမို့၊ရုံးတောရွာအဖို့ဂျီဒီပီဆိုလား၊အမျိုးသားဝင်ငွေ
ဆိုလားတိုးသတဲ့။
ဟိုအရင်နှစ်များဆီက၊စင်္ကာပူကလေးထိန်းတွေဟာ
အင်ဒိုနီးရှားနဲ့ဖိလစ်ပိုင်သူတွေဖြစ်ပေမဲ့၊အခုတော့မြန်မာကလေးထိန်းတွေက၊
သူတို့ကိုကျော်ဖြတ်ပြီး၊အိမ်ဖော်ဈေးကွက်ကိုအုပ်စီးမိနေပြီတဲ့။
လွန်ခဲ့တဲ့ဆယ့်ငါးနှစ်လောက်တုန်းကတော့၊စင်္ကပူနိုင်ငံရဲ့အနာဂတ်ဟာ၊
အခုလိုရုံးတောသူတွေရဲ့လက်ထဲကိုရောက်နေမယ်ဆိုတာ၊မစဉ်းခဲ့မိပါဘူးတဲ့။
လာ၊လာချည်သေးဗျာ။
(နှစ်)
ကိုရင့်ကြွားလုံးကြောင့်ကျုပ်ဖြင့်ရာဇဝင်ထဲကရမည်းသင်းမြို့စားသီလဝလိုပဲ
၊ဣနြေ္ဒတခွဲသားနဲ့ခပ်တည်တည်ပြုံးရမလား။ခေတ်ဟောင်းဓာတ်ရှင်
ဗိုလ်အောင်ဒင်ဇာတ်ကားထဲက၊မင်းသားကြီးခင်မောင်ရင်လိုပဲ၊
ခနိုးခနဲ့မခန့်လေးစားရီသံနဲ့ရီလိုက်ရမလား။ဖိုးပါကြီးလိုပဲ၊မပြုံးပဲဝါးလုံးကွဲ
အသံကုန်ဟစ်ပြီးရယ်လိုက်ရမလား။မစဉ်းစားတတ်အောင်ပါပဲဗျာ။
ဓာတ်သိချင်းကပ်ကြွားတာတော့အသည်းနာလှတယ်ဗျာ။ကျုပ်လည်း
နတ်မောက်နယ်ရွှေပင်ဇာတိပါဗျ။
ဒီမယ်၊ကိုရင်ရဲ့။အေဒီလေးရာစုလောက်တုန်းက၊တရုတ်ပြည်ကြီးကနေ၊
အိန္ဒိယတခွင်ပြဲပြဲစင်အောင်လှည့်၊ဗုဒ္ဓကျမ်းဂန်အမွေအနှစ်တွေကို
စုဆောင်းပြီးတရုတ်ပြည်အရောက်ပြန်သယ်ဆောင်ခဲ့တဲ့၊တရုတ်ရဟန်းတော်
ဖာဟီယန်ဆိုတာ၊ကိုရင်ကြားဖူးလား။
နာမည်ကြီးရုပ်ရှင်မျောက်မင်းဝူခုံးဇာတ်လမ်းတွဲထဲမှာ၊အဓိကဇာတ်ဆောင်လေ
။နောက်ပြီးရွှင်ကျန်ဆိုတဲ့တရုတ်ဘုန်းတော်ကြီးကိုကော၊ကိုရင်သိသလား။
သူလည်းအေဒီ(၇)ရာစုမှာအိန္ဒိယတတိုက်လုံးကိုခရီးဆန့်၊ပါဠိပိဋကတ်တွေကို
ထုံးလိုချေရေလိုနှောက်ပြီး၊ဗုဒ္ဓကျမ်းဂန်စာပေနဲ့ပတ်သက်လို့၊ဘယ်ဘက်က စမ်းစမ်း၊ညာဘက်ကစမ်းစမ်း၊မေးတဲ့မေးခွန်းမဖြေနိုင်ရင်၊
သူ့ခေါင်းကိုဖြတ်လှည့်ဆိုပြီး၊လမ်းလယ်ခေါင်မှာဧရာမစာတန်းကြီးတွေ
ချိတ်ဆွဲပြီး၊စိန်ခေါ်ခဲ့တဲ့မဟာပညာကျော်လေ။
အဲ၊အဲဒီဖာဟီယန်တို့ရွှင်ကျန်တို့လိုပဲ၊မဟာခရီးသည်စာရင်းသွင်းသင့်
တာကတော့၊ကျုပ်အဖေရဲ့အကိုရင်း၊လူအမည်အောင်မြင့်၊ရဟန်းဘွဲ့
ဦးဝါသဝပဲဗျား။အေးလေ။ခင်ဗျားတို့ရုံးတောအရပ်က၊မြောက်ခွင်လို့ခေါ်ကြတဲ့၊
ကျုပ်ဇာတိ ရွှေပင်မှာ၊(၁၉၅၀)ဝန်းကျင်၊မထူးတပ်တွေ
ထကြွသောင်းကျန်းနေချိန်ခေတ်ကြီးတုန်းက၊ရွှေပင်ကနေစွန့်စွန့်စား စားထွက်ခွာပြီး၊မန္တလေး၊ပခုက္ကူ၊စတဲ့၊မြို့တွေဆီအထိအရောက်သွားပြီး၊
စာဝါတွေအဆင့်ဆင့်တက်ခဲ့တာ၊ကျုပ်ဦး ကြီးအရင်းပေါ့ဗျ။
အေးပေါ့ဗျာ။ခေတ်ကာလအခြေအနေအရ၊ကြွယ်ပိုးကြွယ်ဝဒကာရင်း
မရှိရှာလေတော့၊စာဝါလိုက်ရင်းအညောင်းမိတဲ့ဒဏ်နဲ့ရန်ကုန်ဆေးရုံကြီးမှာ၊
မထင်မရှားပျံလွန်တော်မူသွားခဲ့ရတာမို့၊ဖာဟီယန်နဲ့ရွှင်ကျန်တို့လိုတော့၊
မှတ်တမ်းမှတ်ရာခိုင်ခိုင်မာမာမကျန်ရစ်ခဲ့ပေဘူးပေါ့။
(သုံး)
တကယ်တမ်းပြောကြကြေးဆိုရင်၊ကျုပ်အဖေဟာလည်း၊ရွှေပင်ရဲ့ဘတ်စကို
ဒဂါးမား၊ရွှေပင်ကိုလံဘတ်လို့စာရင်း သွင်းနိုင်ပါတယ်လေ။
ဒါပေါ့ဗျ။ကျုပ်အဖေဟာ(၁၉၆၂)ခုနှစ်၊တော်လှန်ရေးကောင်စီအာဏာ
သိမ်းပြီးချိန်မှာ၊ရွှေပင်သားတွေအိပ်မက်ရဲရဲမမက်ဝံ့တဲ့မန္တလေး၊ရန်ကုန်
ဆိုတဲ့မြို့ကြီးတွေဆီကို၊ရှေးဦးမဆွ၊စွန့်စားခြေချခဲ့တဲ့၊ရွှေပင်သား
လူစွမ်းကောင်းပေါ့။
ဒါတင်ဘယ်ကဦးမလဲဗျာ။သူ့အောက်ညီတော်မောင်နှစ်ယောက်စလုံးလည်း၊
သူ့အကို၊ကျုပ်အဖေ့ခြေရာနင်းပြီး၊စွန့်ဦးခရီးသွားလာခဲ့ကြသူများပါပဲ။
လမ်းဘေးဈေးသည်တို့၊ဟိုတယ်အကြော်ဆရာတို့လိုဘဝမျိုးစုံနဲ့ကျော်
ဖြတ်ခဲ့ကြတာကတော့အလုပ်ဟူသမျှဂုဏ်ရှိစွဆိုတဲ့စာရင်းမှာသွင်းရမယ်လေ။
အဟက်၊အဟက်၊ရွှေပင်မျိုးဆက်သစ်တွေကိုလည်းလျှော့မတွက်ပါနဲ့ဦးဗျာ။
မြန်မာ့ဆိုရှယ်လစ်လမ်းစဉ်ပါတီခေတ် ကြီးမှာလည်း၊ ကျုပ်တို့ရွှေပင်သားနောက်ပေါက်လေးတွေ၊ရန်ကုန်၊မန္တလေးကို၊
စားပွဲထိုး၊ကူလီဘဝတွေနဲ့ဆက်လက်ကြီးစိုးထားနိုင်ခဲ့ပါသေးတယ်ဗျာ။
အဲဒီခေတ်အခါတုန်းက၊ရန်ကုန်၊မန္တလေးလိုမြို့ကြီးတွေမှာ၊ဘယ်လက်ဖက်ရည်
ဆိုင်၊ဘယ်စားသောက်ဆိုင်ဝင်မေးမေးစားပွဲထိုးမှန်သမျှ၊
ကျုပ်တို့ရွှေပင်သားတွေချည်းပဲလေ။ကားကြီးဂိတ်တွေမှာ၊ဆိပ်ကမ်းတွေမှာ၊
ကုန်တင်ကုန်ချလုပ်နေတဲ့၊ကာယလုပ်သားအများစုဟာ၊ကျုပ်တို့ရွှေပင်ဖွားတွေ
ပါပဲဗျား။
အဟဲ။နိုင်ငံတော်ငြိမ်ဝပ်ပိပြားမှုတည်ဆောက်ရေးအဖွဲ့တက်လာခဲ့တဲ့
(၁၉၈၈)ခုနှစ်နောက်ပိုင်းကာလများမှာတော့၊ကျုပ်တို့ရွှေပင်သားတွေရဲ့ခြေလှမ်းဟာ
၊ရှေးဘေးလောင်းတော်၊ဘိုးလောင်းတော်တို့လိုပဲ၊ယိုးဒယားနဲ့
မလေးကျွန်းဆွယ်ဆီတပ်ဦးချီနိုင်ခဲ့တယ်ဆိုပါတော့။တပ်ဦးဘီလူးဆိုသမို့လား။
ကျုပ်တို့ရွှေပင်သားများဟာ၊မဲဆောက်၊ဘန်ကောက်တင်မကဘူး။
မလေးကျွန်းဆွယ်နဲ့မဝေးလှတဲ့၊ယိုးဒယားတောင်ပိုင်းဖူးခက်လိုမြို့ကြီးဆီ
အထိ၊အောင်မြင်စွာထိုးဖောက်ချီတက်နိင်ခဲ့ကြသဗျာ။
နိုင်ငံတကာခရီးသွားမြို့ကြီးတဲ့ဖူးခက်မှာ၊ကျုပ်တို့ရွှေပင်သားများဟာ
မရှိမဖြစ်စာရင်းဝင်တယ်ခင်ဗျ။ဖူးခက်မှာ နိုင်ငံတရာကျော်လောက်ကို
တိုက်ရိုက်ပျံသန်းနိုင်တဲ့လေဆိပ်အဟောင်းနဲ့အသစ်စက်စက်တခု၊
စုစုပေါင်းနှစ်ခုရှိပါ့ဗျာ။အဲဒီခေတ်မီလေဆိပ်ကြီးတွေတည်ဆောက်ရာမှာ
၊မြေတူး၊ပန်းရံ၊လက်သမား၊သံချည်သံကွေး၊ဆေးသုတ်၊စတဲ့၊
အဓိကတည်ဆောက်ရေးလုပ်ငန်းတွေဟာ၊ကျုပ်တို့ရွှေပင်သားအများစုရဲ့
လုပ်အားပြယုဂ်ပေါ့။ကိုရင်မယုံဘူးဆိုရင်ဖြင့်၊ဖူးခက်ကိုရောက်တဲ့အခါ
၊လေဆိပ်အိမ်သာတိုင်းလိုလိုမှာ၊သန့်ရှင်းရေးအတွက်နှစ်ဆယ့်လေးနာရီ
ဝန်ဆောင်မှုပေးနေတဲ့၊မဟာရွှေပင်သားများကို နမူနာအဖြစ်တွေ့ရပါလိမ့်မဗျာ။
(လေး)
ဒါနဲ့..၊ခင်ဗျားပုဂံရာဇဝင်ကိုစေ့စေ့စပ်စပ်သေချာဖတ်ဖူးသလားဗျ။
အဲဒီပုဂံရာဇဝင်မှာအသေအချာဖော်ပြထားတာက…။
“နရပတိစည်သူမင်းကြီးသည် တစ်ရံသောအခါ '' ကြက်ယက်ဘုရား (၂)
ဆူကို ထီးတင်တော်မူမည် '' ဟူ၍ ရွှေဖောင်တော်နှင့်ဆန်လေသည်။
ထိုအခါမိကျောင်းတစ်ကောင်သည်မင်းကြီးရွှေဖောင်တော်ကိုကျောက်ကုန်းဖြင့် တိုက်ခိုက်လေသည်။ မင်းကြီးလည်း ရန်မန်ငထွေး ဟူသော သူရဲကောင်းတစ်ယောက်ကို ရေ၀ယ်ဆင်းပြီး မင်း၏ သန်လျက်ပေးလျက် ထိုးကျပ်စေလေသည်။တဲ့”
ဟုတ်ပါ့ဗျာ။အညာသားတွေပင်လယ်ကိုမြင်တောင်မမြင်ဖူးဘူးရယ်လို့
အထင်တော့မသေးလိုက်လေနဲ့။ဖူးခက်ငါးတံတားဆိပ်ကမ်းတွေမှာ
၊ဝါးတန်းဝါးလတ်လို့ခေါ်တဲ့ငါးဖမ်းလှေတွေနဲ့၊ယိုးဒယားပင်လယ်ရေပြင်ပိုင်နက်
ကိုသာမက၊အင်ဒိုနီးရှား၊မလေးရှားနဲ့မြန်မာ့ပင်လယ်ပြင်တွေကိုပါ
ဖြန့်ကျက်စိုးမိုးပြီး၊ငါးခိုးဖမ်းနေကြတဲ့၊အဏ္ဏဝါသူရဲကောင်းတွေထဲမှာ၊
ရန်မန်ငထွေးရဲ့အနွယ်တော်ကျုပ်တို့ရွှေပင်သားတွေပါပါ့ဗျာ။
ဖူးခက်တမြို့လုံးမှာရှိနေတဲ့ခေတ်မီပေ့၊ကောင်းပေ့ဆိုတဲ့နိုင်လွန်ကတ္တရာ
လမ်းမကြီးတွေ၊မိုးထိုးနေတဲ့၊လျှပ်စစ်ဓာတ်မီးတိုင်တွေဖြစ်လာဖို့လည်း၊
ကျုပ်တို့ရွှေပင်သားတွေနဲ့မကင်းပါဘူးဗျာ။ဟိုတယ်ကြီးတွေ၊စားသောက်ဆိုင်တွေ၊
လမ်းဘေးကွတ်တီယို၊ခနုံကျင်၊ဝက်ထမင်းပေါင်း၊ကြက်ထမင်းပေါင်းဆိုင်
မှန်သမျှတွေမှာ၊စာဖိုမှူး၊စားပွဲထိုး၊သန့်ရှင်းရေးလုပ်သားတွေအဖြစ်
မင်းမူနေကြတာလည်း၊ကျုပ်တို့ရွှေပင်သားများပါပဲ။ဒါပေါ့ဗျာ။
ဖူးခက်ကိုဝန်းရံထားတဲ့ ကျွန်းငယ်ပေါင်းသုံးဆယ်ကျော်မှာ၊ဖြန့်ကျက်နေရာယူ ထားတဲ့၊မြန်မာအလုပ်သမားတွေထဲမှာ၊ကျုပ်တို့ရွှေပင်သားတွေဘယ်ကင်းပါ့
မတုန်း။
အို..၊ကုန်ကုန်ပြောရရင်ဗျာ။ဖူးခက်မှာခွေးကျောင်း၊မြွေစာရှာ၊ကျားစာကျွေး၊
ဆင်ဦးစီးဆိုတဲ့နေရာမျိုးတွေမှာတောင်၊ကျုပ်တို့ရွှေပင်သားတွေချည်းပဲမို့၊
ခင်ဗျားတို့ရုံးတောသူတွေ၊စင်္ကာပူလိုလက်မတနှိပ်စာနိုင်ငံမှာ၊
အိမ်ဖော်ဈေးကွက်ကိုစိုးမိုးထားနိုင်ရုံနဲ့၊အာမကျယ်စမ်းပါနဲ့ဗျာ။
အညာသားချင်းအတူတူ၊တလုံးပိုမရှူချင်စမ်းပါနဲ့ကိုရင်။ဒါတောင်
မလေးကျွန်းဆွယ်မှာ၊အောက်ခြေအလုပ်သမားဘဝတွေအဖြစ်အသွင်ယူနေတဲ့
၊ရွှေပင်သားလူငယ်ခြေတက်တွေမပါသေးဘူးနော။ခင်ဗျားပြောပေါက်က၊
ရုံးတောသူရုံးတောသားတွေတော်လှတတ်လှချည့်ရဲ့ဆိုတော့၊တောင်တောရယ်သာ၊
 မြောက်တောကိုခြေဦးမလှည့်လေနဲ့ဆိုတဲ့လေသံပေါက်နေလို့ပါ။
(ငါး)
ဒီမယ်ကိုဖိုးစီရေ။စိတ်ရှိလက်ရှိသာကျုပ်ဆက်ပြောရရင်..၊အဘိုးရက်လည်
အသုဘမှာအပျော်လွန်နေတဲ့ကလေးကိုသူ့သူငယ်ချင်းက..၊ငါ့ဘကြီးလည်း
နေမကောင်းဖြစ်နေပါပြီကွာ။မကြာတော့ပါဘူးလို့၊အားကျမခံပြန်တွန်း
သလိုဖြစ်တော့မှာမို့၊မတူရင်မတုနဲ့လို့သာတိုတိုပြောပါရစေကိုရင်။
ကိုရင့်ကိုကျုပ်နောက်ဆုံးပြောချင်တာတခုရှိသေးတယ်ဗျ။ခုတလော
တရုတ်ပြည်မကြီးမှာ၊မြန်မာသတို့သမီးဈေးကွက်ဝယ်လိုအားမြင့်တက်နေတာ
ကိုရင်ကြားမိတယ်မဟုတ်လား။အရေးသုံးပါးဦးထိပ်ထားပြီး၊ခေတ်မီဖွံ့ဖြိုး
တိုးတက်သောနိုင်ငံတော်သစ်ကြီးဆီကို၊မြန်မာ့နည်းမြန်မာ့ဟန်နဲ့ချီတက်ခဲ့တဲ့
၊နောက်ဆက်တွဲအသီးအပွင့်တွေမကုန်သေးတာမို့၊မကြာခင်မှာ၊ကျုပ်တို့ရွှေပင်သူတွေလည်း၊
တရုတ်ဇနီးမယားဈေးကွက်ကို၊တွင်တွင်ကျယ်ကျယ်အောင်
အောင်မြင်မြင်ထိုးဖောက်နိုင်တော့မှာပါဗျာ။
တရုတ်ပြည်ဆိုတာ၊ကမ္ဘာကတောင်လျစ်လျူပြုထားလို့မရတဲ့ဧရာမ တိုင်းပြည်ကြီးမို့၊နပိုလီယံလိုစစ်ဧတဒဂ်ကတောင်၊တရုတ်တို့အိပ်ပျော်နေပါစေ။
သူတို့ကိုမနှိုးပါနှင့်။တရုတ်တို့နိုးထလာလျှင်ကမ္ဘာကြီးအတွက်
စိုးရိမ်ပူပန်စရာဖြစ်လာမယ်လို့သတိပေးခဲ့သေးတယ်လေ။
ကျုပ်တို့ရွှေပင်သူအများစုတရုတ်ဇနီးမယားတွေဖြစ်လာတဲ့အခါ၊
အဲဒီတရုတ်ပြည်ကြီးရဲ့အနာဂတ်ဟာ၊ကျုပ်တို့ ရွှေ ပင်သူတွေရဲ့ လက်ထဲကိုရောက်လာဦးမှာဗျ။ကမ္ဘာကြီးပေါ်မှာတရုတ်နိုင်ငံရဲ့အခန်းကဏ္ဍ
ဟာပိုပြီးအရေးပါလာတာ ကြောင့်၊ကျုပ်တို့ရွှေပင်သူတွေဟာ၊ကမ္ဘာ့အနာဂတ်
ကိုတောင်စိုးပိုင်သူတွေလို့ဆိုမယ်ဆိုရင်တောင်ဆိုနိုင်သေး ဗျာ။
အဲဒီအချိန်ကျရင်ကျုပ်တို့ရွှေပင်သူတွေလည်း၊ရုံးတောသူတွေကို
အချိန်မရွေးတရေးနိုးထယှဉ်ရင်တောင်၊အသာလေးကျော်တက်သွားနိုင်
ပါတယ်ဗျာ။
ဒါကြောင့်ကျုပ်ပြောတာပေါ့။၊ရုံးတောသူလက်တဆုပ်စာကစင်္ကာပူ
ကျွန်းနိုင်ငံလေးရဲ့အနာဂတ်ကိုချုပ်ကိုင်ထားတာလေးကို၊ရေးကြီးခွင်ကျယ်
လုပ်ပြီးစကားထဲထည့်ပြောမနေပါနဲ့ ဗျာ။
ကျုပ်တို့ က၊အမျိုးသားရေးဇာတိမာန်အပြည့်နဲ့၊အမျိုးသားရေးကို
သစ္စာမဖောက်စတမ်း၊ရွာလုံးကျွတ် စွန့်လွှတ်စွန့်စားနေကြတာဗျ။ ဖားတုလို့ခရုခုန်အိုင်ပျက်ရုံသာရှိတော့မပေါ့။
ကဲ..၊ကျုပ်ချေပချက်အပေါ်ကိုရင်ခံပြင်းတယ်ဆိုရင်ဖြင့်၊ကိုရင့်စိတ်ထဲမှာရှိတာ
တခုခုပြောကြည့်ပါဦးလေ။ရင်ထဲရှိတာပြောချလိုက်တော့စိတ်ထဲမှာပေါ့သွား
တာပေါ့။ကဲ၊ပြောပါဦးဗျ။ကိုရင်ကဒီလောက်ကြွားလုံးကြီးနေရအောင်..၊
ရုံးတောပန်းပွင့်ဘယ်ဂုဏ်နဲ့ ဝင့်သတုန်း၊ဘယ်ဂုဏ်နဲ့တင့်သတုန်းဆိုတာ။ ။



၈ ဇူလိုင် ၂၀၁၆ သည်ဗွိုက်ဒေးလီးစ်နေ့စဉ်သတင်းစာမှ။ ။

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အက်ဒမင်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...