Saturday, July 9, 2016

" ၀န်ထမ်းတွေ ဘာကြောင့်အလုပ်က နှုတ်ထွက်ကြသလဲ"

ကျောက်သင်ပုန်း

ဝန်ထမ်းတွေအလုပ်က အကြောင်းအမျိုးမျိုးကြောင့် နှုတ်ထွက်လေ့ရှိပါတယ်။ ၀န်ထမ်းတွေအလုပ်က နှုတ်ထွက် သွားတိုင်းလည်း သူဌေး တော်တော်များများက ဟိုတစ်ဘက်မှာ လစာပိုရလို့ အလုပ်ပြောင်းသွားကြတယ်၊ ဒီအလုပ် ပေါ်သစ္စာမရှိဘူးလို့ ကောက်ချက်ချလေ့ ရှိကြပါတယ်။ တကယ်တမ်းကျတော့ လစာပိုရတဲ့ အခြားအလုပ်တစ်ခုကို ပြောင်းရွှေသွားကြတာဟာ လစာနည်းတဲ့ ကိစ္စတစ်ခုတည်းကြောင့် မဟုတ်ပါဘူး။

လစာက ၀န်ထမ်းအလုပ်ကိုဝင်ဖို့ အင်တာဗျူးကတည်းက သူရတဲ့လစာကို သူကျေနပ်လို့ဝင်ခဲ့တာပါ။ အလုပ်က ဖေါ်ပြပါလုပ်ငန်းခွင် အခြေအနေများကြောင့် အခြားလစာများတဲ့ အလုပ်တစ်ခုကို ပြောင်းရွှေသွားတာဟာ အလုပ်နဲ့ ပတ်ဝန်ကျင်ကို အနိုင်နဲ့နှုတ်ထွက်လိုခြင်း၊ သူတန်ဖိုးရှိကြောင်း ပြသလိုခြင်းသာ ဖြစ်ပါတယ်။
"ကုမ္ပဏီနှင့် ၀န်ထမ်း Value မတူခြင်း"
ကုမ္ပဏီက တကယ်အမှန်အကန် ၀န်ထမ်းက အကြံအဖန်ပဲဖြစ်ဖြစ်၊ ကုမ္ပဏီက အကြံအဖန်၊ ၀န်ထမ်းက အမှန်အကန်ဆိုရင် ကုမ္ပဏီနဲ့ ၀န်ထမ်း Value မတူညီတာပဲဖြစ်တယ်။ နောက် Value မတူတာ တစ်ခုက ကုမ္ပဏီအကြီးက ပြောင်းလာတဲ့ ၀န်ထမ်းဆို ကုမ္ပဏီ အသေးမှာ ရေရှည်မမြဲတတ်ဘူး၊ နောက်စည်းစနစ်ကျတဲ့ လုပ်ငန်းတစ်ခုမှာ နှစ်ရှည်လများ လုပ်လာတဲ့ ၀န်ထမ်းက လုပ်ငန်းအသေးတစ်ခုကို လစာပိုရလို့ (သို့) အကြောင်းအမျိုးမျိုးကြောင့် ပြောင်းလာရင်လည်း မမြဲတတ်ပါဘူး အကြောင်းက လုပ်ငန်းခွင် မှာ ပျော်မွေ့ဖို့က ငွေတစ်ခုတည်းကြောင့် မဟုတ်တာ သိလာလို့ပါ။ နောက်ပြီး အလုပ် သဘောသဘာဝ မတူညီတဲ့ နေရာ ကနေ ပြောင်းလာရင်လည်း အဆင်မပြေဖြစ်တတ်ပါတယ်။
ဥပမာ Service လိုင်းမဟုတ်တဲ့ အလုပ်ကနေ Service ပိုင်းကို ပြောင်းလာတယ်။ နောက်ပြီး အရင်အလုပ် မှာလည်း စည်းမျဉ်း စည်းကမ်းတွေ သေချာချမှတ်ပြီး ၀န်ထမ်းတွေကို တင်းတင်းကျပ်ကျပ် အုပ်ချုပ်လာတဲ့ မန်နေ ဂျာမျိုးက Service ပိုင်းကို ရောက်လာပြီဆို အဲ့ဒီ ၀န်ထမ်း ထွက်ဖို့ရာ နှုန်းပြည့်ပါပဲ။ အလုပ် သဘောသဘာဝခြင်း မတူလို့ပါ။ ဒါကြောင့် HR တွေက ၀န်ထမ်း ခန့်မယ်ဆိုရင်ဝန်ထမ်းကတော်တယ်၊ သတ်မှတ်ထားတဲ့ လစာနှုန်းထားထဲလည်း ၀င်တယ် ဆိုပေမယ့် သူနောက်ကြောင်းကို ပြန်ကြည့်ပြီး ခန့်တာ ပိုသင့်တော်ပါတယ်။ အဲ့လိုမှ မဟုတ်ရင်နှစ်ဦးနှစ်ဘက် နစ်နာတတ်ပါတယ်။
"အထက်အောက် ၀န်ထမ်းများနှင့် သဟဇာတ မဖြစ်ခြင်း"
လုပ်ငန်းခွင်မှာ အထက်နဲ့လည်း သဟဇာတမဖြစ်၊ အောက်နဲ့လည်း သဟဇာတမဖြစ်ဘူး ဆိုရင် အဲ့ဝန်ထမ်း မပျော်တော့ပါဘူး၊ သဟဇာတ မဖြစ်ဘူးဆိုတာ အရင်ရှိနေတဲ့ ၀န်ထမ်းတွေရဲ့ Nature နဲ့ နောက်ရောက်တဲ့ ၀န်ထမ်းရဲ့ Nature ခြင်း မတူတဲ့အခါ ဘယ်လိုမှ ပေါင်းစပ်လို့ မရ ဖြစ်တတ်ပါတယ်။
"တာဝန်နှင့် လုပ်အား မမျှခြင်း"
ဝန်ထမ်း တာဝန်ယူနိုင်တဲ့ အပိုင်းကအများကြီး၊ အရင်အလုပ်မှာလည်း လုပ်ငန်းတစ်ခုလုံးနီးပါး သူတစ်ယောက်တည်း တာဝန်ခံပြီး လည်ပတ်ခဲ့တာ၊ ဒီဘက် အလုပ်ရောက်တော့ သူတာဝန်ယူရတာက အရင်အလုပ်ရဲ့ ၁၀ ရာနှုန်းတောင် မရှိဘူးဆို ပျင်းပြီးထွက်မှာပဲ။ နောက်ဝန်ထမ်းက တာဝန်ယူနိုင်တဲ့ အပိုင်းကနည်းနည်း ပေးထားတဲ့ တာဝန်က အဆမတန် များနေပြီဆိုရင်လည်း over load ဖြစ်ပြီး ၀န်ထမ်း ထွက်တတ်ပါတယ်။
"၀န်ထမ်း၏ ရာထူး၊ အဆင့်နှင့် လျော်ညီသော လုပ်ပိုင်ခွင့် မရှိခြင်း"
ဝန်ထမ်းတိုင်းကို သက်ဆိုင်ရာ အဆင့်အလိုက် လုပ်ပိုင်ခွင့်လေးတွေ ပေးရပါတယ်။ သက်ဆိုင်ရာ အဆင့် အလိုက် လုပ်ပိုင်ခွင့်မပေးပဲ Expanse အသေးလေးတွေ ကအစ တစ်ဦး တစ်ယောက်ရဲ့ ချုပ်ကိုင်မှု အောက်ရောက်နေမယ်၊ ဆုံးဖြတ်ချက် သေးသေးလေးတွေ ကအစ ဗဟိုချုပ်ကိုင်မှု များနေမယ်ဆိုရင် ၀န်ထမ်းအနေဖြင့် တာဝန်မရှိသလို ခံစား လာရပြီး ၀န်ထမ်းအဆင့် အားလုံး အတူတူပါပဲဆိုပြီး စိတ်က ထင်မြင်လာ တတ်ပါတယ်။ အဲ့နောက်တော့ Role ကြောင်ပြီး အလုပ်က နှုတ်ထွက်တတ်ပါတယ်။
ရာထူး၊ အဆင့် နိမ့်တဲ့ ၀န်ထမ်းက ရာထူး၊ အဆင့်မြင့်တဲ့ ၀န်ထမ်းထက် လုပ်ပိုင်ခွင့်နဲ့ ဆုံဖြတ်ပိုင်ခွင့် ပိုများနေရင်လည်း ထွက်ပါတယ်။ နောက် ၀န်ထမ်း တစ်ယောက်တည်းကိုပဲ လိုတာထက် ပိုပြီး လုပ်ပိုင်ခွင့် ပေးခြင်း၊ အလုပ်ရှင်ထံသို့ ၄င်းဝန်ထမ်း မှတဆင့် ၀င်ထွက်စေခြင်း၊ မလိုလားအပ်ပဲ တစ်ဦး တစ်ယောက်တည်း ကိုသာ လုပ်ငန်းရှင်မှ လူအများရှေ့တွင် ချီးကျူးခြင်း တို့သည်လည်း ၀န်ထမ်းများ မိမိတို့လုပ်ငန်းတွင် မပျော်မွေ့စေသော အချက်တစ်ခုဖြစ်သည်။
"လုပ်ငန်းရှင်နှင့် သက်ဆိုင်ရာဌာန Head များမှ လူယုံမွေးခြင်း"
အချို့ လုပ်ငန်းတွေမှာ ၀န်ထမ်းတွေက အလုပ်ရှင်ထက် သူ့လူယုံကို ပိုကြောက်ရတာမျိုး တွေ့ရတတ်ပါတယ်။ အလုပ်ရှင်ကလည်း လုပ်ငန်းအများကြီး လည်ပတ်နေရတော့ လုပ်ငန်းကို သူ့လူယုံနဲ့ လွှတ်ထားတတ်ပါတယ်။ ပြဿနာက လူယုံက အာဏာကို သဘောကျ လာတာပါပဲ၊ အာဏာကို သဘောကျလေ သူ့အာဏာကို ထိပါးလာမယ့် ၀န်ထမ်း တွေကို အလုပ်မခန့် တော့သလို၊ လုပ်ငန်းခွင်က သူနဲ့ ခြေရာတိုင်းမယ့် လူတော် တွေကိုလည်း အလုပ်က နှုတ်ထွက်အောင် လုပ်ဆောင်တတ်ပါတယ်။
"Office Administration System ညံ့ဖျင်းခြင်း"
လုပ်ငန်းခွင်တွင် အလုပ်လုပ်လို့ မရအောင် စည်းမျဉ်း စည်းကမ်းတွေ တင်းကျပ်ခြင်း၊ Office Supply System ညံ့ဖျင်းခြင်း တို့ကြောင့်လည်း ၀န်ထမ်း နှုတ်ထွက်ပါတယ်။
Credit-ကိုချို

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အက်ဒမင်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...